Janique Venter is die dogter van Nadine Mukheibir en Jacques Venter en gebore op die 10de November 2017 na ‘n gesonde swangerskap.
Na haar 14weke inspuiting het sy Duitse Masels gekry en n week daarna n klein knop aan die regter kant van haar nek.
Sy is dokter toe geneem en hy het die kwaal as pampoentjies gediagnoseer.
Sy is behandel vir pampoentjies, maar die knop het groter geword en begin rond beweeg in haar nek.
Haar ouers het haar pediater toe geneem en na verskeie toetse, was daar vasgestel dat dit nie pampoentjies was nie maar wel iets anders.
Janique is toe verwys na Universitas hospitaal in Bloemfontein waar hulle ‘n Biopsie op haar nek wou doen, maar die opname was uitgestel omdat sy bronchitis gehad het.
In daardie week het sy ‘n aanval gekry waar sy potblou geraak het en nie asem kon kry nie.
Janique is gejaag hospitaal toe en die Chirurg het dadelik aangedring om ‘n Biopsie te doen.
Die biopsie was gedoen en Janique was verwys na die Onkologie afdeling by die Universitas hospitaal.
Na ‘n reeks toetse, op 5de Junie 2018 is Janique gediagnosseer is met Neuroblastoom kanker op die ouderdom van ses maande.
Die Prof het Janique se ouers ingeroep en bevestig dat daar dadelik met chemo terapie begin moet word.
Janique het die 7de Junie begin met haar eerste chemo terapie.
In die tydjie wat gevolg het, het Janique 7 aanvalle gekry waar sy ophou asemhaal het.
Verdere reeks toetse was weer gedoen en daarop was bevestig dat die gewas in haar nek teen haar ligpyp gedruk het en daarom die asemhalingsprobleme.
Sy het verskeie chemo terapies ontvang, hickman Lyn en n trachea.
‘n Operasie om die gewas uit te haal was nooit n opsie nie omdat die gewas rondom die hoof slagaar is met bloedvate wat brein toe loop.
Bestraling was ook nie n opsie nie.
Janique het voor haar 2de verjaarsdag blou geraak in haar slaap.
Prof en haar Dokter aangedring dat sy n trachea moet kry vir beter asemhaling omdat die gewas teen die ligpyp gedruk het, en sy dus kan versmoor in haar slaap.
Twee en ‘n half jaar gelede het Janique se dokter haar ouers geskakel en bevestig dat daar niks meer is wat hulle vir haar kan doen nie omdat die chemo glad nie meer werk nie.
Janique gaan 1 keer per maand hospitaal toe vir bloedtrek toetse en chemo inspuitings.
Sy ontvang 2 keer ‘n week, 3 weke van elke maand, chemo pilletjies om te keer dat die gewas nie versprei of te vinnig groei nie.
In Februarie 2022 het die Dr aangedring dat sy maar wel bestraling moet kry. Sy het 15 sessies ontvang.
Tans, gaan dit baie goed met Janique.
Sy het onlangs gegaan vir ‘n MRI scan. Die resultate wys dat die gewas egter groter geword het.
Die Dokter van Amerika het ook aangedring dat daar ‘n Biopsie gedoen moet word en tans word daar nog gewag op die uitslae.
Fondse word ernstig benodig om die dogtertjie te help.
Nadine Mukheibir (ma) en Janique Venter(6) hier te sien saam met Dewald Fourie van The Pace Foundation.
